أزول العيالات
فهاد المقال غادي نهضرو على أنواع المحتوى للي يمكن ليك تختاري منهم للي يناسب المشروع ديالك و أهدافك في الماركوتينغ و تسويق المحتوى.
هاد النوع ديال المحتوى كي اعتمد على الكلمات كثر من أي حاجة. بحال المحتوى ديال المقالات للي كتقراي دابا. الفكرة ديالو أنك تشاركي الأفكار ديالك فالمواضيع للي كتهمك بحال الصحفية و لكن ماشي بأسلوب أكاديمي و رسمي.
عمرك سمعتي بالعبارة ديال الصورة الصامتة وصلات ألف كلمة ؟
الصور رغم أنهم كي بانو لبزاف ديال الناس أمر جامد و ضروري ما يحتاج الكتبة تحت منو. و لكن راه كاينين صور معبرة كثر من أي خطاب يمكن يتقال. الصورة كتوصل مباشرة للناس و كل شخص و كيفاش كتوصل ليه الصورة الرسالة ديالها.
الرسوم البيانية كتعبر على التقارير و الأبحاث و المعلومات بطريقة بصرية منظمة. كي كونو فعالين بزاف باش يختاصرو الأفكار للي يمكن نكتبو فيهم صفحات فرسم بياني واحد. هاد المحتوى كي عطي مصداقية كثر حيث الناس كي اعتبروه رسمي.
الفيديو فيه أنواع مختلفة بحال المقابلات, الفيديوهات السينمائية, الروبورتاجات, الفلوجات ديال اللايف ستايل و ستوري تايم…
للي كتشمل الموسيقى بحال أغاني والعزف على الآلات الموسيقية, و البودكاست للي كنهضرو فيه بتفصيل كثر على مواضيع كي همونا و على رسائل نبغينا نشروهم.
هاد النوع ديال المحتوى كي سهل عليك الترويج بشكل دوري للمنتجات و الخدمات ديالك. كنستخدموه للتواصل المباشر مع الجمهور و للمشاركة فالحوار مع العملاء ديالنا.
هادي هي أشهر وسيلة باش نكونو مجتمع خاص بينا عبر الأنترنيت. كي ساعدنا نبينو نفسنا بطرق مختلفة و نوصلو لجمهور أكبر بطريقة أسرع.
للي عبارة على لايفات بتطبيقات الكترونية فين نقدرو نتواصل مع الجمهور والعملاء ديالنا بطريقة مباشرة صوت و صورة خصوصا مني كتكون هناك ألعاب و نقاشات فعالة .
هذا ما كان ا العيالات نتلاقاو ف الكروب..اذا عندك اي تساؤل بخصوص هاد الموضوع ماتتردديش تشاركيه معانا و نعاونوك 😀
-اذا باقي ماداخلاش معنا ل الكروب اش كاتسناي انضمي لينا و شاركينا افكارك و تجاربك 😀 –
رابط المجموعة : http://bit.ly/letshijouitgroup
رابط المشاركة فبرنامج بداي: https://docs.google.com/forms/d/e/1FAIpQLSfrMn-pEGD4qIRsxODKInW_2ZjwRrGKCoaZFcE7Bm_ukJsqwg/viewform?usp=sf_link
رابط المشاركة فسلسلة مولات الشي:
https://docs.google.com/forms/d/e/1FAIpQLSfqpttzCwCiWg5v_guCDxtyIN4nGtMnGIw74OWgJ4sECO_vDA/viewform
رابط صفحة الأنستغرام : https://www.instagram.com/letshijouit/?hl=en
رابط قناة اليوتيوب : https://www.youtube.com/channel/UCZGfMlR8_GNIwokLwaWSIKg