أزول ا العيالات 👋🏻
كلشي كيهضر على كيفاش نديرو الفلوس و نجيبوها من فم السبع و لكن واش لقيتو راسكم الفلوس لي تزادو عليكم ما كي بانوش و بيلا قد ما حاولتو ديرو لاباس كتلقاو راسكم فنفس البلاصة و بيلا للي شديتو ما كي قدكومش ؟
عطيوني ودنيكم و سمعو ليا, راه فهادشي مصلحتكم 🤌🏻
واش فراسك بيلا كثر من 90 فالمئة من الناس للي كي ربحو مليار فاللوطو كي رجعو فقراء من بعد 3 سنين على الأكثر ؟
واش فايت ليك سمعتي بالمثل للي كي قول : للي ما دارش بالقليل عمرو يدير بالكثير ؟
اوا راه باش ديري لاباس غدا لازم عليك تحكمي تدبير فلوسك اليوم.
أول خطوة :
حددي مبدئيا شنو هي الفئات للي كتصرفي عليهم و التفرعات ديالهم بالتدقيق. مثلا :
المهم هو تبقاي تكتبي جميع الفئات و التفرعات ديالها و بقاي تزيدي و تنقصي حتا تجمعيهم كاملين. هاد الخطوة مهمة بزاف باش تعرفي بالضبط علاياش كتصرفي فلوسك.
ثاني خطوة :
نزلي فابور تطبيق بحال Money Manager فين فادي تقدي فيها التفصيل الممل علة الدريهم و الريال للي خرجتي و دخلتي.هاد النوع ديال التطبيقات كي صاوب ليك احصائيات دقيقة على شحال كتصرفي و كتدخلي فكل فئة. داكشي علاش كي سهال عليك تعرفي شنو كتشري, منين كتشري , شحال كتصرفي …
ثالث خطوة :
تبركي مع راسك كل سيمانة أو شهر باش تقراي داكشي للي حسبات ليك الابريكاسيو. هاكدا كتشوفي بعينيك فين مشاو فلوسك باش تعرفي شنو العادات لي خاصكي تغيري و الاستراتيجيات للي تعتامدي عليها من بعد باش كل درهم كتربحي تقربك كثر للأهداف ديالك.
و عقلي على هادي : تدبير الفلوس ما عندوش علاقة بالتسقريم , بالعكس هو أفضل وسيلة باش تصرفي كل درهم فبلاصتو باش تزيدي بحياتك القدام.
هذا ما كان ا العيالات نتلاقاو ف الكروب..اذا عندك اي تساؤل بخصوص هاد الموضوع ماتتردديش تشاركيه معانا و نعاونوك 😀
-اذا باقي ماداخلاش معنا ل الكروب اش كاتسناي انضمي لينا و شاركينا افكارك و تجاربك 😀 –
رابط المجموعة : http://bit.ly/letshijouitgroup
رابط المشاركة فبرنامج بداي: https://docs.google.com/forms/d/e/1FAIpQLSfrMn-pEGD4qIRsxODKInW_2ZjwRrGKCoaZFcE7Bm_ukJsqwg/viewform?usp=sf_link
رابط صفحة الأنستغرام : https://www.instagram.com/letshijouit/?hl=en
رابط قناة اليوتيوب : https://www.youtube.com/channel/UCZGfMlR8_GNIwokLwaWSIKg